ДОМ му дава поддршка на Владимир Тодоровиќ како кандидат за градоначалник за Центар, по претходно постигнат договор за следниве прашања:

1. Ревизија на донесени детални урбанистички планови во насока на замена на високи градби со зеленило, на локациите со катни гаражи
- кај Архитектонски факултет
- зад трговскиот центар Буњаковец и
- на Рузвелтова зад Рептил (два парка);
2. Ревизија на донесени детални урбанистички планови на Водно во насока на намалување на катноста;
3. Зголемување на парковските површини во Центар на 33.000 м2 со вкупно 21 локација, по примерот на Париз;
4. Редовна контрола на квалитетот на воздухот преку функционирање на постојната и поставување нови мерни станици, во соработка со Градот Скопје и Министерството за животна средина;
5. Рестриктивен режим на движење за возила што загадуваат во денови со гранични вредности на воздухот, односно формирање т.н. Зелена зона, по примерот на Берлин.

Претседателката на ДОМ Лилјана Поповска и Граданачалникот Владимир Тодоровиќ се согласија дека е потребна и законска регулатива која ќе овозможи полесно и поинтензивно спроведување на овие мерки. Притоа Поповска повторно потенцираше дека веќе се изработува закон за зеленило во соработка со Градот кој ќе биде поднесен во парламентот веднаш по изборите.