2. ДОМ прес 25.04.2018 фотографија

ДОМ е категорично против најавеното барање на опозицијата за намалување на акцизата на дизел горивата. Зголемувањето на акцизата за 3 денари, воведено годинава, претставува добар метод на дестимулација на употребата на дизел горивата, што е еколошка мерка.  Дизел горивата се меѓу најштетните загадувачи на воздухот, поради што намалувањето на нивната употреба води кон намалување на аерозагадувањето.

Токму затоа, градовите Рим, Париз, Атина, Мадрид, Мексико Сити, најавија забрана за сите дизел возила во централните зони од 2025 година. Сојузниот суд во Германија неодамна донесе одлука дека при зголемено аерозагадување, на старите автомобили со дизел мотор ќе им биде забранет пристап во централните градски зони.

Потсетуваме дека во последните неколку години, аерозагадувањето во Македонија достигнува енормни нивоа, а Скопје и Тетово се на врвот на листата на најзагадени градови во Европа. Загадениот воздух предизвикува болести на срцето, крвните садови и дишните органи и е причина за смрт на преку 1300 наши сограѓани годишно. Според Светска банка аерозагадувањето ја чини Македонија 253 милиони евра годишно.

Со цел намалување на аерозагадувањето и поефикасна борба против климатските промени, голем број држави веќе најавија забрана за продажба на нови автомобили кои користат бензин или дизел од 2030, односно 2040 година. Сите нови возила во Норвешка мора да бидат со 0 емисии до 2025, во Холандија до 2030, а во Шведска и Шкотска до 2032 година. Франција и Велика Британија ќе ја забранат продажбата на нови возила на бензин и дизел од 2040 година.

За обезбедување на здрава животна средина и здравје на граѓаните, Македонија треба да го следи европскиот тренд на транзиција од дизел возила кон електрични возила. 

Одбери јазик

mkendefrsqtrsr

Пребарување

Контакт

ДЕМОКРАТСКА ОБНОВА НА МАКЕДОНИЈА - ДОМ 

 ул. Никола Вапцаров 18/1 1000 Скопје, Република Македонија

Телефон 02/5112-900

Фах.        02/5112-900

e-mail: dommakedonija@yahoo.com

Претседателка: Лилјана Поповска  e-mail: liljana4@t-home.mk
тел: 02/5112-900 02/3224-150

Портпаролка: Маја Морачанин 

Социјални медиуми

Анкета