Кампањи

Светлана Станоковска, советник во Општина Пробиштип - Зелени приоритети на советниците на ДОМ

Детали

Објавено: Среда, 20 Март 2019 12:59

Како советник во 2018 година се борев против отворањето на Челичарницата и ќе продолжам да се борам и во наредната година. Водевме и заедничка битка против рудниците со отворен коп. Шансата ја гледам во примената на Законот за минерални суровини што го поднесоа нашите пратенички од ДОМ, а со кој се забранува употреба на цијаниди и сулфурна киселина во рудниците со отворен коп. Дадов и предлог за зелен катастар и катастар на загадувачи, што беше прифатено од страна на градоначалникот, и се надевам ќе се реализира во текот на оваа година. Годинава приоритет ми е набавка на мерен инструмент за мерење на загадувањето, кој ни е неопходен. Редно е Пробиштип да стане зелен град и да добие Г2 незагадувачка индустрија. Тоа им го должиме на наредните генерации.

д-р Сретимир Николовски, советник во Општина Крива Паланка - Зелени приоритети на советниците на ДОМ

Детали

Објавено: Понеделник, 18 Март 2019 17:26

Моите приоритети во 2018 беа замена на старите азбестно-цементни водоводни цевки, што е и реализирано и наскоро водоводот ќе биде пуштен во употреба. Исто така се залагав за чистење на неколку диви депонии во околината на градот. Како доктор и советник, поборник сум за зачувување на хигиената во градот, поставување на нови контејнери и уредување на просторот околу нив. Оваа година ќе се заложам за озеленување на околината на градот, како и за приклучување на Крива Паланка во гасоводниот систем, кој поминува во близина на градот.

Повеќе...

проф. д-р Бети Дејанова, советник во Општина Центар - Зелени приоритети на советниците на ДОМ

Детали

Објавено: Сабота, 16 Март 2019 08:45

Активен поборник сум на запирање на градежните активности во општината и нивно преиспитување согласно ГУП-от, како и за почитување на Законот за урбано зеленило кој предвидува минимум од 20% по градежна парцела. Во 2019 ќе се заложам за поголем ангажман на инспекциските служби, за построга контрола на комуналната хигиена и спроведувањето на мерките против загадувањето, како и санкционирање на нивното непочитување, а се со цел за заштита на животната средина и за поквалитетен живот на граѓаните.

Повеќе...

Бојан Петровски, советник во Општина Ѓорче Петров - Зелени приоритети на советниците на ДОМ

Детали

Објавено: Четврток, 14 Март 2019 11:45

Младост, енергија и посветеност, ова е накратко мојот придонес за позелено Ѓорче. Стопиран е насилниот урбанизам, беа прифатени предлози на нови паркови и зелени површини, расчистени се голем број мини и диви депонии. За наредниот период главен приоритет ќе ми бидат: предлози за менување на начинот на греење на амбулантите, градинките и училиштата, со цел за чист воздух во општината, уште еден голем парк и многу помали зелени површини, повеќе инспектори за животна средина, решавање на дивата депонијата кај Лепенец и во руралните средини.

Повеќе...

Дејан Димитровски, советник во Општина Гази Баба - Зелени приоритети на советниците на ДОМ

Детали

Објавено: Вторник, 12 Март 2019 10:37

Бев иницијатор за времена мерка на запирање на изградба на индивидуални и колективни стамбени објекти додека не се намали аерозагадувањето, иницирав акции за лоцирање и чистење на дивите депонии во општината, дневни и ноќни патроли за откривање на дивите загадувачи, ослободување на пешачките и велосипедските патеки од возила, состаноци со надлежните од Комунална хигиена за поставување и навремено чистење на контејнери.

Повеќе...

Валентина Андонова, советник во Општина Кочани - Зелени приоритети на советниците на ДОМ

Детали

Објавено: Недела, 10 Март 2019 09:56

Во изминатата година иницирав да се зголеми списокот на тешки заболувања за кои се финансираат лабораториски анализи за социјално загрозени лица и се заложив оваа година буџетот за оваа намена да биде повисок. Поддржав проекти за обновување на улици и поставување на рампи за лица со посебни потреби. Во текот на оваа година ќе се фокусирам на геотермалните води како услов за намалување на аерозагадувањето, чистење на дивите депонии и нивно озеленување, како и на програмата за еднакви можности на жени и мажи, во која активно учествувам.

Повеќе...

Ристенка Алтипармаковска, советник во Општина Битола - Зелени приоритети на советниците на ДОМ

Детали

Објавено: Петок, 08 Март 2019 13:50

Битола е еден од градовите со највисок степен на аерозагадување, па затоа се заложив за субвениции за велосипеди и печки на пелети, како и да се ослободи централното градско јадро од возила. На Битола и требаат монтажни катни гаражи, озеленување на повеќе јавни површини и конечно справување со отпадот и дивите депонии. За развој на економијата потребно е користење на обновливите извори на енергија.

Повеќе...

Александар Анѓушев, советник во Општина Карпош - Зелени приоритети на советниците на ДОМ

Детали

Објавено: Вторник, 05 Март 2019 15:18

Минатата година успеавме да ги сопреме спорните ДУП-ови во Карпош, да засадиме преку 300 развиени дрва низ општината, да ја воведеме акцијата Карпошани на велосипед. Оваа година мора да се сконцентрираме на зголемување на инспекцискиот надзор, за да се спречат формирањето на дивите депонии, нелегалните палења и бучавата од кафеаните. За зелен Карпош треба одржлив урбанизам, кој покрај урбаното зеленило, го регулира греењето во домовите, нормалното паркирање, капацитетот и пропусноста на улиците за сообраќајот, и друго.

Повеќе...

Ивана Здравеска, советник во Општина Аеродром - Зелени приоритети на советниците на ДОМ

Детали

Објавено: Сабота, 02 Март 2019 12:08

Повеќе...

Димче Балески, советник во Општина Валандово - Зелени приoритети на советниците на ДОМ

Детали

Објавено: Четврток, 28 Февруари 2019 15:27

Во изминатата година иницирав и успеавме да се затвори рудникот Казандол. Иницирав да се испита квалитетот на водата за пиење и наводнување, како и да се постават мерни инструменти за мерење на загаденоста на воздухот. Во текот на оваа година реализацијата на сите овие иницијативи треба да заврши и да се ревитализира земјиштето уништено од градежните работи околу Казандол.

Повеќе...